थाहा नगरपालिकाको शिखरकोटमा हरेक वर्ष कृष्ण जात्राको अवसरमा हुने कृष्णजन्माष्टमीको भोलीपल्ट हुने घैंटो फुटाउने प्रतियोगिता सम्पन्न भएको छ । 

शिखर क्लव शिखरकोटको व्यवस्थापनमा भएको प्रतियोगिता थाहा नगर र आसपास गाविसका ५ टिमको सहभागिता रहेको थियो । ३ स्थानमा राखिएको घैंटोको तेस्रो पुरस्कार २५००, दोस्रो ३५०० र प्रथम पुरस्कार ५००० रहेको थियो । विभिन्न समूहहरुले प्रतिस्पर्धा भएको उक्त प्रतियोगिताको प्रथम, द्वितीय र तृतीय पुरस्कार नै आग्राको समूहले जितेको छ । प्रतियोगिता समापनमा सयोग गर्ने विभिन्न सहयोगी संस्थाहरुलाई प्रशंसा पत्र र विजेता टिमलाई पुरस्कार शिखर क्लवका अध्यक्ष अनित कुमार के.सी.ले प्रदान गरेका छन ।