मकवानपुर उद्योग बाणिज्य संघको आयोजनामा फागुन २० गते विहीबारदेखि जारी राष्ट्रिय औद्योगिक ब्यापार मेलाको चौथो दिन आज आईतबार हेटौंडा आइडलको छनोटमा १५ जना छनोट भएका छन् । १७ प्रतिष्पर्धीमध्ये आईतबारको छनोटमा १५ जना छनोट भएको हेटौंडा आइडलका संयोजक दीपक शर्मा ढकालले बताउनुभयो ।

आईतबार छनोट भएकाहरुमा मनमाया वाइबा, वीरजित लामा, दिपेश श्रेष्ठ, सरु श्रेष्ठ, विजय लामा, लक्ष्मी स्याङतान रहेको संयोजक ढकालले जानकारी दिनुभयो । त्यसैगरी राजकुमार विक, दिपराज केसी, ध्रुव पण्डित, रोशन सुनार, सृजना सापकोटा, हृदयश बस्नेत, नरलाल पाख्रिन, मिग्मा लामा, र असिम सुवेदी छनोट भएका हुन् ।

आईतबार प्रतियोगिताबाट बाहिरिनेमा राजेश ढुंगाना र रिचा बानियाँ रहेको संयोजक ढकालले बताउनुभयो । यसअघि हिजो शनिबार सागर तिमल्सिना र सुरज भट्टराई प्रतियोगिताबाट बाहिरिएका थिए ।