फागुन २१ देखि २७ गतेसम्मको राशिफल
फागुन २१ देखि २७
गतेसम्मको राशिफल
- रामप्रसाद सिटौला
(फलित ज्योतिष)
फाल्गुन २१,
२०७२-
मेष
घरायसी व्यवहारमा
अलमलिँदा पछि परिनेछ । आध्यात्मिक चिन्तन, योग एवं ध्यानले दुर्भावनाहरू समाप्त हुँदै भविष्यको बाटो पहिल्याउन सहज हुनेछ
। प्रतिष्ठा र पदोन्नतिको अवसरलाई चुनौतीका रूपमा लिए उचाइमा पुगिनेछ । अरूमाथि
विश्वास गर्दा धोका हुन सक्छ । खानपानमा समयको फेरबदलले स्वास्थ्य प्रतिकूल
हुनसक्छ ।
वृष
परिस्थिति पहिचान
गरी सम्पन्न गरिएको कार्यले उचित स्थान पाउनेछ । प्रेम प्रस्ताव राख्नेलाई ढिलो
निर्णय दिँदा सुरक्षित भइनेछ । सामूहिक लगानीमा बाधा–व्यवधान देखा पर्न सक्छ । आर्थिक कारोकार गर्दा अभिभावकको
सुझाव अनुसरण गर्नुहोला । सेता पहिरनले कार्य सहज बनाउनेछन् ।
मिथुन
योजना सफल बनाउन
कठोर मेहनत गर्नुपर्नेछ । आकस्मिक यात्राबाट आर्थिक लाभसमेत हात लाग्नेछ । सभा,
सम्मेलन एवं तालिम आदिमा सहभागी हुने अवसर
पाइएला । बुधबार र बिहीबार बाध्यात्मक रूपमा सामाजिक कार्यक्रममा उपस्थित
हुनुपर्नेछ । सम्मानित हुने सम्भावना पनि छ । यात्रा गर्दा समयको ख्याल गर्नु होला
।
कर्कट
रोजगारीका नयाँ
क्षेत्रमा पदबहाल गर्ने अवसर प्राप्त हुन सक्छ । प्राप्त अवसरले थप मेहनतको
अपेक्षा गरेको छ । सामाजिक हैसियतका कारण जीवनशैलीमा परिवर्तन ल्याउनुपर्ने बाध्यता
आइपर्नेछ । पूण्य आर्जनमा केही दिन खर्चिनुपर्ने अवस्था छ । खरानी रंगले कार्य
सम्पन्न गर्न थप ऊर्जा प्रदान गर्नेछ । मनोरञ्जनमा सहभागी हुँदा खानपानमा ध्यान
दिनुहोला ।
सिंह
पारिवारिक
सरसल्लाहमा दुविधा सिर्जना हुन सक्छ । नगद सापटी लिएका मित्रले समयमा वचन पूरा
नगर्दा आर्थिक समस्याको सामना गर्नुपर्नेछ । साथीहरूसँग मनोरञ्जन गर्दा खानपानमा
फेरबदल भै स्वास्थ्यसम्बन्धी समस्याले सताउन सक्छ । सवारी साधन चलाउँदा संयम
अपनाउनुहोला ।
कन्या
परिश्रम तथा
लगानीअनुरूप व्यवसायले साथ नदिन सक्छ । भविष्यको चिन्ताले सताउला । नशासम्बन्धी
समस्याले मानसिक तनाव उत्पन्न गराए पनि सोमबारपछिका दिनमा क्रमिक सुधार आउनेछ ।
सामाजिक उत्सवमा सरिक हुँदा समय तथा खानपानप्रति सचेत रहनुहोला ।
तुला
आम्दानी हात
पर्ने व्यवसायमा लगानी गर्ने अवसर जुट्न सक्छ । विदेशी पाहुनासँग भेटघाट हुने सम्भावना
छ । अचानक प्रेम प्रस्ताव आइलाग्न सक्छ, संयमित भै निर्णय गर्नुहोला । साताको अन्त्यमा सवारी साधन खरिद हुनसक्छ ।
विलासीपन तथा जीवनचर्यामा ध्यान दिनुहोला ।
वृश्चिक
आर्थिक पक्ष सबल
हँुदै विदेश भ्रमण गर्ने अवसर जुट्न सक्छ । प्रेमको जाल रच्नेहरूले झुक्याउन
सक्छन्, समयमै सचेत रहनुहोला ।
अधिकार तथा प्रतिष्ठा जोगाउन गोपनियतामा ध्यान पुर्याउनुपर्नेछ । सोमबार तथा
मङ्गलबार आफन्तहरूसँग मनमुटाव हुनसक्छ । जुक्ति र बुद्धिले समस्या सुल्झाउन सकिनेछ
।
धनु
साथीहरूले
समस्याको गाँठो फुकाउन सहयोग गर्नेछन् । रोजगारीको क्षेत्रमा सोचेजस्तै परिणाम हात
पर्नेछ । विपरीत लिंगीले मन पराएको प्रसंगले मन उत्साहित हुनेछ । सामाजिक तथा
परोपकारी कार्यमा सहभागी भइनेछ । रुचिबेगर नै भोजभतेर एवं मनोरञ्जनमा सहभागी
हुनुपर्नेछ । खानपानमा ध्यान दिँदै स्वास्थ्यको ख्याल गर्नुहोला ।
मकर
दुई आत्माबीचको
सुन्दर सम्बन्ध निकै अघि बढिसकेको अवस्था छ । सामाजिक क्षेत्रमा कीर्तिमानी कार्य
गरी लोकप्रियता आर्जन गर्न सकिनेछ । ठूलाबडासँगको भेटघाटका कारण योजनाहरू सहज
रूपमा सम्पन्न गर्न सकिनेछ । आर्थिक समस्या समाधान गर्न महत्त्वपूर्ण भूमिका
निर्वाह गर्नुपर्ने हुन सक्छ ।
कुम्भ
कर्मचारीवर्गले
विशेष होसियारी अपनाउनुहोला । आफ्नै कमजोरीका कारण मन पराउनेहरू टाढिन सक्छन् ।
अन्नतसम्म सम्बन्ध जीवित राख्न शंकालाई विश्वासमा परिवर्तन गर्नुपर्ने हुन्छ ।
पिछडिएका वर्ग तथा क्षेत्रलाई सहयोग गरेर चर्चित भइनेछ । साताको अन्त्यतिर आर्थिक
भार बढेर ऋणको चपेटामा पर्ने सम्भावना छ ।
मीन
मित्रहरूले
सोचेजस्तो सहयोग नगर्दा रोजगारीका नयाँ अवसर गुम्ने अवस्था सिर्जना हुन सक्छ,
हेक्का राखी विचार आदानप्रदान गर्नुहोला ।
आर्थिक क्षेत्रमा प्रभुत्व जमाई लगानीअनुरूप लाभ लिन सकिनेछ । विलासिताका सामग्री
खरिद गर्न आकर्षित हुँदा अभिभावकले आफ्नो भावनाको वेवास्ता गर्ने सम्भावना छ ।
स्राेतः साप्ताहिक