मौसम असाध्यै फेर बदल भएको छ । मौसम संगै खेति किसान यी सबैको कार्यक्रम सकाएर योजना तर्जुमाको कार्यक्रम गर्दा आर्को हिंउँदो लाग्ने हो कि ? खै कि हैसियत भएकाहरुले मात्र कार्यक्रम सार्ने सामथ्र्य राख्ने हो त्यो पनि थाहा भएन, हैसियत हुनको लागि योग्यता के के हुनु पर्ने हो ? आहो यो सबै कुराको पत्तो त दुरविनले हेर्दा नि लागेन । अब यस्तो हैसियत र सामथ्र्य राख्नेहरुले नगरपालिकाको नाम राख्ने बेलामा नि ध्यान पुर्याउनु पर्थ्यो । किन भन्नुहोला, विष्ट काजीको आदर्श र नीति नियमलाई शिरोधार्य गर्ने भनेर नगरपालिकाको नाम थाहा राख्या त सर्व विदितै छ । तर थाहाका प्रणेता काजीको स्मृती दिवसको स्मृती क–कस्ले गरे त भन्ने कुरो अम्लोमा गन्न नि पुगेन, यत्रो नगपालिका घोषणा त्यसमाथि काजीको सम्मानमा नामाकरण गर्दा स्मृती दिवस पनि गज्जबले हुनु पर्थ्यो । ट्वामेलाई बाहिरबाट पाँच सात ठाउँबाट फोन आयो कि थाहाको के के कार्यक्रम हुँदैछ भनेर । तर थाहाकै वासिन्दाका दुइचारजनाले औपचारिकता निर्वाह गरे आठ दश जनाले अपनत्वको महशुस गरेनन्, बीस बाइस जनाले पार्टीको नाम दिए, कसरी हुन्छ खै । विकासको कार्यमा सदा पार्टीको फोहरी खोलले ओढाउने परिपाटी जहिले सम्म चल्छ, त्यसबेला सम्ममा थाहाका जनताहरु अन्धकारमै रहन्छन्, बत्ति मुनीको अँध्यारो जस्तै सदरमुकाम र राजधानीको ठिक बिचमा बसेर पनि नगरवासी भएर पनि दुर्गमका मान्छे झैं पछि परिरहन्छौं । जय थाहा ।
नीको चपेटा पनि चौपट्टै हुँदै गएको छ । उबेलाँ बाउबाजेले यो बेला भन्या त मर्या मान्छे नि घुमले छोपेर काम गर्ने पो हो त । मानो छरेर मुरी फलाउने बेलामा चटारो हुनु त ठीकै हो । यहि चटारोमा सबैले सबैकुरो ध्याउन्नमा राख्न सक्छन् भन्ने कुरा पनि रहेन । ट्वामे के कुरा गर्न लाग्यो भन्ने कुराले एक छिन चक्करायो होला तपाईंलाई, कुरो प्रष्ट छ, टावराँ उक्लेर दुरविन घुमाएसी सबै कुरो छर्लङै पो हुन्छ त । थाहा नगरपालिकाकाहरु यसपाली बडो उछल्या पो छन् त । पुर्व योजना तर्जुमा गोष्ठी गर्ने अ रे । गर्न त गर्ने यो चटारोमा सबैसंग साउती गरेर मात्रै गर्नु पर्ने, फेरी बिचरो निकाय–निकायका कर्मचारीहरुलाई पनि त आफ्नै चटारो भएर होला, सबै संग साउती नगरे कार्यक्रम जोरजाम गर्न गाह्रो हुन्छ । कर्मचारी महोदय जवाफ फर्काउँछन्–‘माथ्लो आदेश भएकोले गर्दा यसो गर्न पर्या हो ।’ अब माथ्लो आदेश भनेसी पुर्व योजना तर्जुमामा मन्त्री महोदयकै सवारी पो हुने हो कि भन्ने ट्वामेलाई लाग्यो । अलि गहिरिएर बुझ्दा कहाँको हुनु मन्त्री महोदयको सवारी, पार्टी विशेषको कार्यक्रम भएकोले गर्दा पार्टीको मान्छे कार्यक्रममा उपस्थित हुन नभ्याउने भएकोले गर्दा नगराँ कार्यक्रम सार्या सर्यै गर्छ रे । अब यत्तिको जवाफ आएसी किन सार्या भनेर सोध्ने कुरै भएन । अब पार्टीको कुरोले सिंगो समुदायको कार्यक्रम सार्ने भएसी के भन्नु परो र ? अब एकदिन घामले कार्यक्रम राखेसी अर्को दिन पानीले राख्ला, अर्को दिन रुख विरुवाले राख्ला, अर्को दिन हम्मरले, अर्को दिन हँसियाले, अर्को दिन हलो, कुटो कोदालो, गल, खन्ती, कच्या, डोको, नाम्लो ...............
