मंगलबार ३ कराेडकाे काराेबार : ३९ हजार अवलाेकनकर्ता
मकवानपुर उद्योग बाणिज्य संघको आयोजनामा फागुन २० गते विहीबारदेखि जारी राष्ट्रिय औद्योगिक ब्यापार मेलाको छैटौें दिन आज मंगलबार ३ करोड ९८ लाख २५ हजारको कारोबार भएको मकवानपुर उद्योग वाणिज्य संघका अध्यक्ष तथा मेला संयोजक राजकुमार न्यौपानेले बताए । र पाँचौंदिन मंगलबार ३९ हजार ५ सय दर्शकले मेला अवलोकन गरेको अध्यक्ष तथा मेला संयोजक न्यौपानेले बताए ।
मंगलबार चर्चित लोकगायिका कोमल वलीले मकवानपुरका सांसद अनन्त पौडेल, राजाराम स्याङतान, मकवापुर उद्योग वाणिज्य संघका अध्यक्ष राजकुमार न्यौपाने, पत्रकार प्रताप विष्ट, महिला उद्यमीहरु र संघका कार्यसमितिहरुलाई आफ्ना चर्चित गीतहरुमा छमछमी नचाएका थिए । साथै चर्चित राष्ट्रिय गायक गायिकाहरु युवराज चौलागाई, रितु कँडेल, सरिता प्रजापति र धर्मेन्द्र सेंवान र स्थानीय कलाकारहरू फिउजन डान्स सेन्टर, कलिउड डान्स सेन्टर, तलेजु डान्स सेन्टर र श्रृजना कलाकेन्द्रका कलाकारहरु आफ्ना गीत प्रस्तुत र नृत्यले दर्शकहरुलाई भरपूर मनोरञ्जन दिएका थिए ।
हेटौंडा अस्पतालले ७५ जनालाई निःशुल्क सेवा दिएको छ । ५ जनाको प्राथमिक उपचार, ४२ जनाको ब्लडप्रेसर र २८ जनालाई औषधी वितरण गरेको हेटौंडा अस्पतालकी अहेव प्रमिला दंगालले बताउनुभयो । यसैगरी युनियन ड्रग हाउसले साधारण चेकअप १३ जना, औषधी वितरण २३ जना र ब्लडप्रेसर चेकजाँच ५६ जनाको गरिएको युनियन ड्रग हाउसका रवि कार्कीले बताउनुभयो । जिल्ला रेडक्रसले पनि ३१ जनालाई प्राथमिक उपचार गरिएको बताइएको छ ।
जिल्ला कृषि कार्यालयले जिल्लामा उत्पादन विभिन्न कृषि उपजहरु प्रदर्शनीमा राखिएको थियो । मेलामा सूचनाप्रविधि सम्बन्धी विभिन्न मोवाइल, कम्प्युटर र इन्टरनेटसम्बन्धी सामाग्रीहरु प्रदर्शनीमा राखिएको उद्योग वाणिज्य संघका महासचिव तथा प्रवक्ता महेन्द्र राउतले बताए ।
