निसान, विकास र सोम क्वाटरफाईनलमा
हेटौँडाको कर्रामा जारी तेश्रो निशान लामा स्मृती सेभन ए साईड फुटबल प्रतियोगिताको सोमबार भएको खेलमा विजयी हुँदै एफसी सोम, निसान ‘बी’ र एफसी विकास युवा क्वाटर फाईनलमा प्रबेश गरेका छन् । १६ टिम सहभागि रहेको प्रतियोगितामा मंगलबार ३ टिमले क्वाटरफाईनलमा स्थान बनाएका हुन् ।
कर्रा नेटवर्कको आयोजनामा श्रमिक माबि कर्राको खेलमैदानमा भएको मंगलबार भएको पहिलो खेलमा एफसी सोमले फराकिलो जित दर्ता गरेको छ । हेटौँडाका स्टार खेलाडी विके लामाले उत्कृष्ट प्रर्दशन गरेपछि सोमले एफसी मिलानलाई ४–० गोल अन्तरले पराजित गर्दै क्वाटरफाईनलमा स्थान सुरक्षित गरेको हो ।
खेलको २४ औ मि नेटमा सोमको लागि बिके लामाले सुन्दर गोल गर्दै टिमलाई १–० को अग्रता दिलाएका थिए । खेलको तिन गोल भने दोश्रो हाफको अन्यतिर संभव भएको थियो । पहिलो हाफ १–० ले अघि रहेको सोमको लागि खेलको ४० औ मिनेटमा ब्यक्तिगत तथा टिमको लागि दोश्रो गोल गर्दै टिमलाई थप मजबुत बनाएका थिए । त्यसैगरी सोमको लागि ४५ औं मिनेटमा मनोज लामा र ४८ औं मिनेटमा विशाल लामाले गोल गरेपछि सोमले फराकिलो जित दर्ता गरेको हो । खेलमा सोमका विके म्यान अफ दी म्याच भए ।
मंगलबारनै भएको दोश्रो खेलमा एफसी निसान ‘बी’ले नवदुर्गा क्लबलाई २–० ले पराजित गरेको छ । प्रतिस्पर्धात्मक खेलमा निसान ‘बि’ का सञ्जिव लामाले २० औ मिनेटमा गोल गर्दै टोलिलाई १–० को अग्रता दिलाए । पहिलो हाफमा १–० को अग्रता हाँसील गरेको निसानको लागि दोश्रो हाफको ४८ औ मिनेटमा विनय लामाले गोल गर्दै टिमलाई २–० को जित दिलाए । खेलमा निसान ‘बी’का विनय लामा म्यान अफ दी म्याच भए। जितका लागी सञ्जिव लामा र विनय लामाले समान एक–एक गोल गरेका थिए ।
मंगलबारनै भएको तेश्रो खेलमा एिफसी विकास युवाले निसान ‘ए’ लाई २–० ले पराजित गर्दै क्वाटरफाईनल प्रबेश गरेको छ । सशक्त मानिएको निसान ‘ए’ लाई २–२ ले पराजित गर्ने क्रममा विकासको लागि गणेश कुश्वारले खेलको २० र ४० औ मिनेटमा गोल गरे । उता निसानको लागि खेलको २४ औ मिनेटमा सुमन लामाले एकमात्र गरे । खेलमा कुश्वार म्यान अफ दी म्याच घोषित भए । प्रतियोगिता अन्तर्गत आज बुधवार एफसी ब्रदर हुड र एफसी वला तथा कर्रा भेर्टान र एफसी नेवा ‘बी’बीच खेल हुने कार्यक्रम संयोजक सानु लामाले जानकारी दिए । चैत्र ९ गतेसम्म सञ्चालन हुने प्रतियोगिताको बिजेताले नगद ३० हजार र उपविजेता टिमले नगद १५ हजारसहित शिल्ड, मेडल तथा प्रमाणपत्र प्राप्त गर्नेछ । प्रतियोगितामा कर्राका स्थानिय १६ वटा क्लबले सहभागिता जनाएका छन् ।