छोटो मार्ग एक महीना बन्द: त्रिभुवनराजपथबाट गुड्दै
मकवानपुरको हेटौंडाबाट फाखेल हुँदै काठमाडौं जाने छोटो दुरीको सडक १२ चैत्र बाट एक महिनाका लागि बन्द भएको छ । सडक मर्मत गर्नुपर्ने भएकाले यातायातका साधनहरुको आवत–जावत बन्द गरिएको हो । यसैगरी ललितपुरको दक्षिणकाली–सिस्नेरी–हेटौंडा सडक पनि बन्द भएको छ । अहिले सो सडकको स्तरोन्तीको काम भइरहेको छ ।
ति सडक खण्डमा बिहान १० बजेदेखि साँझ ५ बजेसम्म मर्मत कार्य गर्ने भएकोले सो समयमा बन्द रहने मकवानपुर ट्राफिक प्रहरीले जानकारी दिएको छ । काठमाडौं–हेटौंडा संचालन हुने अधिकांश सुमो तथा मोटरसाइकलहरु त्रिभुवन राजपथको थाहा नगर हुँदै संचालन भइरहेको छ ।